لكزس وكورلا

ياقلب كم لك وانت من حال في حال *** من شفت ( ملاك ) وأنت حالتك حالة
أنا معك .. حلوة ونظراتها هبـال *** بـس الغـرام الصعـب مالـك ومالـة
ذي عندها ( لكزس ) وسايق وجوال *** وأنا ( كورلا ) .. لا .. وبإسم الوكالة
الظاهر إن سواقها ياكل أثقال *** كلـه عضـل شـف كيـف يرفـع شمالـه
تعوّذ من إبليـس ذي دونهـا رجـال *** وأنـا مكسّـر خـلّ منـك الهبالـة
تسكن بفلّة ماتجيلـك علـى بـال *** شغـل أجنحـة ماهـو مقلّـط وصالـة
مصروفها يكفـي ثمانيـن رجّـال *** هـذي أبوهـا مـا درى كـم حلالـة
حتى أمها في ذمتي (حرمة أعمال) *** واخوانهـا كـلٍ غنـي فـي مجالـه
إعقل يبـو .. بيحلّهـا ألـف حـلال *** أنـا أطلـب الله وأدّعيـه وأسالـه
إسهر وفل حجاج نبضك وإذا طال *** فيك السهـر ارقـد مثـل منـت دالـه
وش غيّرك ! قد كانت أوضاعنا عال *** لا رحم أبو (روبي) على (البرتقالـة)
خلّوك للحسرة والآمـال حمّـال *** ماغيـر جالـس داخـل الصـدر عالـة
حتى هلي من شافني منهـم قـال : *** لا يابـري حالـي ويـا وجدنـا لـه
ياقلب تكفى وش معـك والتخبـال *** إلعـن ابليـس وكـب منـك الخبالـة

[size=18]يسلمو يالغاليـــة ع الكلمات الحلوة

بس والله تحطيم خلي الواد يعيش أيامه مع هالبنيـــة

يتسلف له لكزس

ويكشخ قدامها يمكن

يحن قلبها عليه

عز الله انه جاب لنفسه العيد
هع هع هع

عمومآ كلمات حلوة

ما اقول لكي

إلا كما عهدناكي مبدعــة

سلمت أناملكـ[/size]