القهر للحين احبك و ادري انك ما تبيني
ليش نزلتي عيونك ارفعيها و طالعيني
ولا يعني انحرجتي يوم جاوبتي سؤالي
ليش قلتيلي احبك ليش كنتي تخدعيني
ليش قلتيلي حبيبي ليش قلتيلي ياغالي
كان ممكن ما احبك كان ممكن تتركيني
كان ممكن من بداية تخدعي غيري بدالي
ليش أنا بالذات ليش قولي جاوبيني
بعد غدرك خبريني وقولي بس شلي بقالي
و الله اني ما جرحتك ليش انتي تجرحيني
هنت على قلبك حسافة و انقضت اجمل ليالي
و القهر للحين احبك و ادري انك ما تبيني
و المحبة من طرف واحد نهايتها زوالي
كان عمري بيدينك قولي وش كان بيديني
أذكر إنه من غلاتك كان قدرك فوق عالي
كنت اتجاهل واطنش يوم نغزاتك تجيني
و كنت أقول الحب أكبر من تصرف لا مثالي
أبغى من وقتك دقيقة وليت انك تمنحيني
بس أبا أقول ثلاث أشياء و أروح لحالي
أولا فعلا أحبك كنتي قلبي وكنتي عيني
و كانت الدنيا بوجودك شي روعة شي خيالي
ثانيا على اللي بدر مني دخيلك سامحيني
يمكن انه زل لساني وقلت انك راس مالي
ثالثا أسالك بالله و أطلبك لا تذكريني
احرقي كل القصايد و انسي اشواقي و وصالي
و في النهاية قبل ما انسى بقولك كلمتيني
ترا هذا اللي تحبينه هو محمد ولد خالي إإ
تحياتي
