تكفـــــون يا عيـــال

عهدي بها قدّام تلبس عبايه
....................... وأنا بعد قبل البس شماغ وعقال

طفلين نتهجّى حروف البدايه
...................... اللّه يا أجمل سواليف الاطفال

كانت لنا في كل شارع حكاية
................... وكنا نقول علوم ما هيب تنقال !

وكنت اتقاسم ما معاها معايه
................. من ( عسكريم ) التوت ، للعلك ابو ريال

وكانت بعكسي شاطرة في القرايه
................... تقرأ جزء عمّ وطه والانفال

وأنا لك الله من مواري غبايه
................ مدري ابو نقطه هو الذال او الدال

وكانت لابويه تشتكي من شقايه
................ وتعلمه كيف اربط الباب بحبال

ياما على ظهري كسر من عصايه
................ يقول لي : خلك وأنا ابوك رجّال

وامي تقول : ادع لولدك iالهدايه
................. خوفي تصيبة كثرة الضرب بهبال

لا شفتها مع اول الدرب جايه
.................. مدري أنا ملت والا الوطا مال

احسّ قلبي يرتجف في حشايه
................... ما كنه الا الضيف لا هز ّ فنجال

ياما عن ( السّعلي ) تخبت ورايه
.................. لاخوفوها فيه ثم شافت ظلال

تقول : خلك يا............ معايه
................. واسّتأنس العب عندها دور الابطال

وأغار حتى من عيون اصدقايه
................ لا طالعوها قلت :::: تكفون ياعيال

يعطيكي الف عافية اختي الغاليه ع القصيده الحلوة

كلمات تدل على ذوقك الرفيع

وأخيرآآآآآآآآآآآآ

اقول لكي

واصلي فأنتي مبدعــــــــــــة في إختيارك

تقبلي مروري المتواضع